Fanat saytına istinadən ain.az xəbər verir.
Misli Premyer Liqasında 13-cü tur start götürür.
Fanat.Az xəbər verir ki, üç günü əhatə edəcək tur çərçivəsində bu gün iki görüş baş tutacaq.
Açılış oyunu Yevlaxda olacaq. "Kəpəz" sözügedən məkanda keçirəcəyi ardıcıl ikinci oyununda "Zirə" ilə üz-üzə gələcək. Ötən tur qələbə qazanaraq sonuncu pillədən xilas olan Azər Bağırovun komandası görüşdən xalla ayrılmağa çalışacaq.
Turun mərkəzi oyununda "Neftçi" ilə "Turan Tovuz" münasibətlərinə aydınlıq gətirəcəklər. Ötən tur "İmişli"yə məğlubiyyətdən sonra Samir Abasovu istefaya göndərən bakılılar Tovuza baş məşqçisiz yollanıblar. Komandanı qərb təmsilçisi ilə görüşə Sənan Qurbanov çıxaracaq.
Tur çərçivəsində "İmişli" - "Sabah" və "Qarabağ" - "Karvan-Yevlax" görüşləri şənbə, "Şamaxı" - "Sumqayıt" və "Qəbələ" - "Araz-Naxçıvan" oyunları bazar günü keçiriləcək.
Misli Premyer Liqası
13-cü tur
28 noyabr
14:00. “Kəpəz” – “Zirə”
Hakimlər: Rəşad Əhmədov, Akif Əmirəli, Teymur Teymurov, İslam Məmmədov.
VAR: Rəvan Həmzəzadə, Cəmil Quliyev.
Hakim-inspektor: Şahin Cəfərov.
AFFA nümayəndəsi: Eldəniz Musayev.
Yevlax şəhər stadionu.
18:30. “Turan Tovuz” – “Neftçi”
Hakimlər: Fərid Hacıyev, Rəhman İmami, Müslüm Əliyev, Vüqar Həsənli.
VAR: Nicat İsmayıllı, Rahil Ramazanov.
Hakim-inspektor: Babək Quliyev.
AFFA nümayəndəsi: Məmmədəli Məmmədov.
Tovuz şəhər stadionu.
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
