BAKI, 28 noyabr. TELEQRAF
Dünya İqtisadi Forumunun 2025-ci ildə dərc olunan “İşlərin Gələcəyi Hesabatı”na əsasən 2030-cu ilə qədər bugünkü iş yerlərinin 22%-i struktur dəyişikliklərinə məruz qalacaq.
Teleqraf xəbər verir ki, bu barədə Bakıda keçirilən Gələcəyin Peşələri Sammitində çıxışında əmək və əhalinin sosial müdafiəsi naziri Anar Əliyev deyib.
Nazir qeyd edib ki, qlobal iqtisadi proseslərin əmək bazarına təsiri bununla məhdudlaşmır:
“Artan qlobal rəqabət hər bir ölkədən çevik qərarların qəbul edilməsini tələb edir. Bu reallıq fonunda regionlararası əməkdaşlığın gücləndirilməsi, beynəlxalq təcrübənin öyrənilməsi və qlobal əmək bazarına daha çevik inteqrasiyanın təmin edilməsi olduqca vacibdir”.
