Türk teatrının əfsanəvi adlarından biri olan, “Lüks Hayat” və “Cennet Mahallesi”ndəki unudulmaz rolları ilə tamaşaçıların qəlbində xüsusi yer tutan 79 yaşlı usta sənətçi Zihni Göktayın son görüntüləri sosial mediada böyük müzakirələrə səbəb olub.
Musavat.com xəbər verir ki, Göktay üç il əvvəl 45 illik həyat yoldaşı Sevinç Göktayı itirdikdən sonra ağır bir dövr yaşayıb.
Bunun ardınca Fənərbağçada yerləşən evini də itirməsi usta sənətçini çətin vəziyyətdə qoyub. Bu səbəbdən o, hazırda Maltepedə yerləşən yaşlılar evində qalır.
Qeyd edək ki, 2 dekabr 1945-ci ildə İstanbulda doğulan Zihni Göktay Pertevniyal Liseyini bitirdikdən sonra 1960–1964-cü illərdə İ.M.T.B. Gənclik Teatrosu və Eminönü Halkevi teatr qollarında fəaliyyət göstərib. 1964-cü ildə peşəkar teatr həyatına qədəm qoyan sənətçi 1964–1973-cü illərdə Ankara Meydan Səhnəsində çalışıb.
1973-cü ildən etibarən isə İstanbul Şəhər Teatrlarında səhnəyə çıxan Göktay uzun illər türk teatrına xidmət göstərib. 1978–1996-cı illər arasında İstanbul Radiosunun Radio Teatrı şöbəsində çoxsaylı layihələrdə rejissor və aktyor kimi fəaliyyət göstərib.
Könül
Musavat.com
