BAKI, 28 noyabr. TELEQRAF
İspaniya millisinin sabiq futbolçusu Serxio Ramos müqaviləsi gələn ayın sonunda bitəcək Meksikanın "Monterrey" klubundan ayrılmaq qərarına gəlib.
Teleqraf xəbər verir ki, bu barədə "El Chiringuito" məlumat yayıb.
Bu yaxınlarda "Monterrey"in 39 yaşlı müdafiəçi ilə müqaviləni uzatmaq üçün danışıqlar apardığı bildirilsə də, veteran futbolçu Avropaya qayıtmaq niyyətindədir.
Qeyd edək ki, Serxio Ramos bu ilin fevralından "Monterrey"in şərəfini qoruyur. O, bu klubla meydana çıxdığı 31 oyunda 7 qol vurub.
