Gələn il ABŞ, Kanada və Meksikada keçiriləcək dünya çempionatı üçün artıq 2 milyon bilet satılıb. Bu barədə FİFA məlumat yayıb.
"Football-plus.az" xəbər verir ki, qurum ilk olaraq bu qədər biletin iki mərhələdə satışa çıxarıldığını və onların 212 ölkədən futbolsevərlər tərəfindən alındığını açıqlayıb.
Ən çox bilet alanlar gözlənildiyi kimi meydan sahiblərindən, yəni ABŞ, Kanada və Meksikadan olanlardı. Biletlərə ən çox maraq göstərən ölkələr arasında sonrakı pillələrdə İngiltərə, Almaniya, Braziliya, Kolumbiya, İspaniya, Argentina və Fransa qərarlaşıb. 3-cü mərhələdə biletlər dekabrın 11-də satışa çıxarılacaq.
Qeyd edək ki, indiyə qədər 42 ölkə mundiala vəsiqəni təmin edib. 11 iyun - 19 iyul tarixində keçiriləcək dünya çempionatı ilk dəfə 48 komandanın iştirakı ilə baş tutacaq.
