Avstraliyalı qadın manikür etdirdikdən sonra reanimasiyaya düşüb.
Qaziler.az xəbər verir ki, bu barədə “Daily Mail” yazır.
Sidneydən olan Klaudiya Ruffin bildirib ki, salonda manikür etdirdikdən sonra vəziyyəti kəskin pisləşib. Nəfəs almaqda çətinlik çəkib, görmə qabiliyyəti bulanıb və ayaq barmaqlarında uyuşma yaranıb. Xəstəxanaya yerləşdirildikdən bir neçə saat sonra baş barmağı şişməyə başlayıb və əlində qırmızı xətlər əmələ gəlib. Bu, limfa sistemi vasitəsilə sürətlə yayılan infeksiyanın əlaməti olub.
Ertəsi gün barmağı qaralıb. Qadın həkimlərin sadəcə dırnağını çıxaracağını düşünürmüş, lakin vəziyyət daha ciddi olub. Lakin cərrahlar streptokok sepsisinin yayılmasının qarşısını almaq üçün yoluxmuş toxumanı çıxarmaq məcburiyyətində olublar.
18 gün ərzində xəstə altı əməliyyat keçirib, dəri transplantasiyası edilib və 48 tikiş vurulub. Şiddətli ağrı və yüksək qızdırma səbəbindən ilk həftə heç nə xatırlamayıb.
Rufinin sözlərinə görə, manikür zamanı kutikulası kəsildikdən sonra streptokok infeksiyası onun bədəninə daxil olub. O, manikür ustasının sterilizasiya olunmamış alətlərdən istifadə etdiyini və onları həmkarı ilə paylaşdığını iddia edib.
Rufin hazırda sağalmaqdadır, lakin barmağının hələ də tam işləmədiyini və hissiyyatını qismən itirdiyini etiraf edib. O bildirib ki, artıq düymə və ya sırğa bağlamaq kimi sadə işlər onun üçün çətinləşib.
QAZİLER.AZ
