ain.az, Demokrat.az saytından verilən məlumata əsaslanaraq xəbər yayır.
“Özbəkistanda elektron siqaretlərin qadağan edilməsi sağlamlıq üçün önəmli addımdır”.Bunu pulmonoloq Elvin Məmmədov Demokrat.az-a açıqlamasında deyib. O diqqətı çatdırıb ki, elektron siqaret tütün siqaretinə təhlükəsiz alternativ deyil:“Onun tərkibində nikotin və kimyəvi maddələr var. Bu maddələr ağciyərlərə ziyan vurur, bronxları daraldır və tənəffüsü çətinləşdirir. Uzun müddət istifadə xroniki bronxit və astma kimi xəstəliklərə səbəb ola bilər. Elektron siqaret buxarında propilen qlikol, qliserin və aromatik qatqılar olur. Bəzi maddələr ağciyər toxumasını geri dönməz şəkildə zədələyə bilər. Son illərdə gənclər arasında kəskin ağciyər xəstəlikləri halları artıb. Gənclər üçün risk daha yüksəkdir. Nikotin beyin inkişafına ziyan verir və gələcəkdə adi siqaretə keçidi asanlaşdırır. Elektron siqaret sağlamlıq üçün təhlükəlidir. Onun qadağan olunması insanların tənəffüs sistemi və ümumi sağlamlığını qorumaq üçün düzgün qərardır”.Leyla Turan
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
