Bizimyol portalından əldə olunan məlumata əsasən, ain.az xəbər verir.
“Mümkündür ki, İranın daxilində bir sıra qüvvələr dəyişiklik yaratsınlar və indiki vəziyyətdən çıxsınlar. Xəbərlərdə də eşidirik: "ABŞ istəmir ki, İran İslam Cümhuriyyəti dağılsın", "ABŞ istəmir ki, İranda mövcud hökümət dəyişdirilsin", "ABŞ İran İslam Cümhuriyyətində siyasətin dəyişməsini istəyir". Bu səbəbdən də bu gün İran daxilində ciddi bir mübarizə var. Hətta "ordu ilə SEPAH qarşı-qarşıya qala bilər" deyilirdi”.
Bu barədə Bizimyol.info xəbər portalına güneyli siyasi şərhçi Maşallah Rəzmi danışıb. Siyasi şərhçi qeyd edib ki, maliyyə, siyasi rejim və bir çox imkan SEPAH-ın əlindədir.
Maşallah Rəzmi
“Keçmişdə hökümətdə olanlarla indi hökümətin içində olanlar arasında açıq mübarizə var. Onlar da qarşı-qarşıya qala bilir. Məsələn; Həsən Ruhani keçmişdə İranın prezidenti idi. Ruhani aşkar şəkildə Əli Xameneinin siyasətini tənqid edirdi. Onun təyin etdiyi adamların heç birini qəbul etmir. Eyni zamanda öz müavinlərini də saxlayıb. Həftədə bir dəfə yığışır, danışır, məsləhətləşirlər. Demək olar ki, bir rezerv qüvvə kimi meydanda hazırdılar. Uyğun bir vəziyyət olarsa, onlar meydana çıxa bilər”-deyə Maşallah Rəzmi bildirib.
Güneyli siyasi şərhçi hesab edir ki, Əli Xameneinin ölməsi hakimiyyətdə ciddi dəyişiklik yarada bilər: “Əli Xamenei 37 ildir ki, hakimiyyətdədir. Mütləq bir "diktatorluq" yaradıb. Demək olar ki, İran İslam Cümhuriyyəti onun varlığına bağlıdır”.
İradə Cəlil, Bizimyol.info
Ən son xəbərləri və yenilikləri almaq üçün ain.az saytını izləyin.
