Rusiya Federasiyasının dövlət qurumu "Roskomnadzor" növbəti növbəti dəfə "WhatsApp" ilə bağlı sərt xəbərdarlıq edib.
Reyting.az xəbər verir ki, "Roskomnadzor"un iddiasına görə, "WhatsApp" yenə Rusiya qanunvericiliyini pozur.
Qurumdan bildiriblər ki, məhz elə bu səbəbdən onlar "WhatsApp" messencerinə qarşı ardıcıl məhdudiyyətlər tətbiq ediblər.
Qurum iddia edir ki, "WhatsApp"-dan terror fəaliyyətlərinin təşkili, icraçıların cəlbi, dələduzluq və digər cinayətlər üçün istifadə olunur.
"Roskomnadzor" həmçinin vətəndaşlara və ölkə ictimaiyyətinə də müraciət ünvanlayıb. Eyni zamanda, qurum xarici cavabdehlərə də xəbərdarlıq edib ki, əgər bu tələbləri yerinə yetirilməsə, messencer Rusiyada tamamilə bloklanacaq və vətəndaşlara Rusiyanın milli xidmətlərini seçmək tövsiyə olunacaq.
Xatırladaq ki, 28 noyabrdan, səhər saatlarından Rusiya ərazilərində "WhatsApp"-ın işində növbəti dəfə nasazlıqlar qeydə alınıb. Bu ilin avqust ayından isə "Roskomnadzor" rəsmi açıqlama verib və "WhatsApp"ın, eləcə də "Telegram" zənglərinin bloklandığını bildirib.
Daha sonra adıçəkilən dövlət qurumu oktyabrdan messencerlərin Rusiyanın cənub regionlarında qismən məhdudlaşdırıldığını bəyan edib.
Oqtay QORÇU
