BAKI, 29 noyabr. TELEQRAF
Polşanın Baş naziri Donald Tusk ölkənin ilk peyklərinin kosmosa buraxıldığını açıqlayıb.
Teleqraf xəbər verir ki, Tusk bu barədə "X" sosial şəbəkəsindəki səhifəsində paylaşım edib.
O bildirib ki, Polşaya məxsus hərbi "Micro SAR" peyki və "PIAST" proqramı çərçivəsində hazırlanan peyklər "Falcon 9" raketi ilə orbitə çıxarılıb.
“Uçdular! Bu raket üçün cəmi 500 kilometrdir. Polşa üçün isə gələcəyə doğru nəhəng sıçrayışdır!” - deyə Tusk qeyd edib.
