“Barselona”nın prezidenti Joan Laporta hesab edir ki , Florentino Peresin rəhbərlik etdiyi “Real Madrid” La Liqa prezidenti Xavyer Tebası istefaya məcbur etmək istəyir.
Publika.az xəbər verir ki, Laportanın sözlərini AS sitat gətirib.
“Tebasla eniş-yoxuşlarım olub, lakin o, öz mövqeyində böyük təzyiqlərlə üzləşən layiqli insandır. Bizim normal münasibətimiz var. “Real” La Liqa ilə ziddiyyət təşkil edir, onu sıxışdırıb qovmaq fikrindədirlər. Onun yerinə öz adamını gətirmək istəyir. Bu strategiya özünə inam yaratmır. Ondan qurtulsalar, başqasını yerləşdirəcəklər, mənə maraqlıdır ki, kim?” – deyə Laporta bildirib.
