Bakı, 29 noyabr, AZƏRTAC
Bu gün Misli Premyer Liqasının XIII turunda növbəti oyunlar keçiriləcək.
AZƏRTAC xəbər verir ki, ilk olaraq meydana “İmişli” və “Sabah” komandaları çıxacaq. Görüş saat 14:00-da Quba Olimpiya İdman Kompleksinin stadionunda başlayacaq.
Günün ikinci matçında isə “Qarabağ” “Karvan-Yevlax”ı qəbul edəcək. Qarşılaşma 17:00-da "Azərsun Arena"da təşkil olunacaq.
Turun əvvəlki oyunlarında "Zirə" "Kəpəz"i 2:0 hesabı ilə üstələyib. "Turan-Tovuz" - "Neftçi" görüşündə isə qalib müəyyənləşməyib. Tura noyabrın 30-da yekun vurulacaq.
