Bakivaxti portalından alınan məlumata görə, ain.az xəbər verir.
Bu gün Azərbaycan–Türkiyə Məzunları görüşü baş tutub.
Bakıvaxtı.az xəbər verir ki, tədbir rəsmi açılışla başlayıb.
Daha sonra Türkiyə universitetlərindən məzun olan azərbaycanlı gənclərin həyat hekayələrini və təcrübələrini əks etdirən qısa film nümayişi təqdim edilib.
Ardınca, Türkiyə məzunlarını təmsil edən Odər Əlizadə çıxış edərək Türkiyədə təhsilin Azərbaycan gənclərinin inkişafına verdiyi töhfələrdən, məzun şəbəkəsinin fəaliyyətindən və gələcək planlardan söz açıb.
Azərbaycan İş Adamları və Ziyalılar Platformasının sədri Telman Nüsrətoğlu tədbir iştirakçılarına müraciət edərək Türkiyə-Azərbaycan əlaqələrinin strateji önəmini, biznes və elm müstəvilərində əməkdaşlığın genişlənməsi perspektivlərini diqqətə çatdırıb.
Daha sonra Türkiyə Respublikasının Azərbaycandakı fövqəladə və səlahiyyətli səfiri Birol Akgün çıxış edib.
O, Türkiyə ilə Azərbaycanın ortaq dəyərləri, məzun hərəkatının bu əlaqələrin möhkəmlənməsində rolu barədə fikirlərini bölüşüb.
Tədbirin növbəti çıxışçısı YTB (Yurtdışı Türkler ve Akraba Topluluklar Başkanlığı) rəhbəri Abdulhadi Turus olub. O, iki ölkə gənclərinin inteqrasiyası, təhsil proqramları və YTB-nin Azərbaycanla əməkdaşlıq mexanizmləri haqqında geniş informasiya verib.
Proqram rəsmi hissənin yekunu və birlikdə səhər yeməyi ilə yekunlaşıb.
Görüş iştirakçılar tərəfindən iki ölkə arasındakı qardaşlıq münasibətlərinin təhsil müstəvisində daha da möhkəmlənməsinə xidmət edən mühüm platforma olaraq dəyərləndirilib.
Əli Hüseynov
Ən son xəbərləri və yenilikləri almaq üçün ain.az saytını izləyin.
