Misli Premyer Liqasının XIII turunda “Qarabağ” doğma meydanda “Karvan-Yevlax”ı qəbul edəcək.
İdmanxeber.az-ın məlumatına görə, Ağdam klubunda braziliyalı yarımmüdafiəçi Kadi ilə qapıçı Şahruddin Məhəmmədəliyevin zədə səbəbindən Yevlax təmsilçisi ilə oyunda iştirak etməyəcəkləri dəqiqdir.
“Karvan-Yevlax”da qapıçı Pedro Mateuşla yanaşı, Mikels və Süleyman Əhmədov zədəlidir. Adıçəkilən futbolçular görüşü buraxacaq.
Qeyd edək ki, “Qarabağ” – “Karvan-Yevlax” oyunu noyabrın 29-da baş tutacaq. “Azərsun Arena”da keçiriləcək görüşün start fiti 17:00-da səsləndiriləcək.
