Aparıcı Aytən Səfərova AZAL-dan, şirkətin Naxçıvan siyasətindən şikayət edib.
AFN.az-ın xəbərinə görə, aparıcı Naxçıvana getdiyini, biletlərin baha olduğunu deyib:
“İnsanların AZAL təyyarəsindən başqa çarəsi yoxdur. Quru sərhədlər bağlıdır. Bakıdan Naxçıvana AZAL təyyarəsilə uçduq və qayıdanda da eyni yolla qayıtdıq. Əvvələr bir bilet 50 manat idi, üstəlik 1 saatlıq uçuş zamanı 1 su (və ya şirə) və bulka verirdilər. İndi bilet 60 manatdır, artıq şirə və bulkanı yığışdırıblar. İçərisində ağ ərpə oxşar maddələrlə "zəngin" su paylayırlar.
Aydındır ki, bir böyük sərnişin üçün o bulka heç nədir, çoxumuz yemirdik də. Amma zənnimcə, milli aviadaşıyıcı (hansının ki, gəmi kapitanları bortda olan uşaqları xüsusi salamlayırlar) 110-120 sərnişin arasında olan bir neçə balacanı (THY, Qatar Airways, Amercan Airlines və s. kimi) necəsə sevindirsə, müflisləşməz.
Onsuz da Naxçıvan camaatının AZAL-ı seçməkdən başqa çarəsi yoxdur. Məcburdur. Hər dəfə də ümid edir ki, alternativ yollar, seçim olacaq, amma hələ ki, yoxdur...”
