İspaniya La Liqasının 14-cü turunda “Real Sosyedad” öz meydanında “Vilyarreal”ı qəbul edib.
90deqiqe.Az-ın məlumatına görə, “Reale Arena”da keçirilən qarşılaşma qonaqların 3:2 hesablı qələbəsi ilə başa çatıb.
Hesabı 31-ci dəqiqədə “Vilyarreal”ın hücumçusu Ayose Peres açıb. 57-ci dəqiqədə Alberto Moleyro fərqi iki topa çatdırıb. Üç dəqiqə sonra “Real Sosyedad”ın yarımmüdafiəçisi Karlos Soler Fermin hesabı 1:2 edib. 87-ci dəqiqədə Ander Barrenetxea bərabərlik qolunu vurub. Lakin əlavə vaxtda Alberto Moleyro yenidən səhnəyə çıxaraq dublunu rəsmiləşdirib və qonaqlara qələbə qazandırıb.
“Real Sosyedad”ın rusiyalı yarımmüdafiəçisi Arsen Zaxaryan 77-ci dəqiqədə meydana daxil olub.
Bu turdan sonra “Real Sosyedad” 16 xalla turnir cədvəlinin 10-cu pilləsində, 32 xal toplayan “Vilyarreal” isə 3-cü yerdə qərarlaşıb.
