Paytaxtın Yasamal rayonu, Akim Abbasov küçəsi, 115A ünvanında yolun ortasında iri çuxur əmələ gəlib. Çuxurun altının boş olması səbəbindən ərazidə çökmə riski yaranıb. Yolun altından boru xətti keçdiyi üçün vəziyyət daha da təhlükəlidir.
Sakinlər bir neçə gün əvvəl həmin yerdə qəza baş verdiyini bildiriblər.
Çəkiliş zamanı Dövlət Su Ehtiyatları Agentliyinin əməkdaşları əraziyə baxış keçiriblər. Onların sözlərinə görə, yolun altından keçən boru xətti "Azəristiliktəchizat" ASC-yə məxsusdur.
Lakin "Azəristiliktəchizat"dan bildirilib ki, boru onlara aid deyil.
Tarix: 1 Dekabr 2025, 08:39
