Argentinanın üç “Scorpene” sinifli dizel-elektrik sualtı qayığın alınması ilə bağlı danışıqlar dayandırılıb. Buna səbəb Fransa hökuməti tərəfindən zəmanət verilən maliyyələşdirmə krediti ilə bağlı razılaşmanın olmamasıdır.
Herbiand.az bildirir ki, bunu Naval Group şirkətinin strateji ölkələr şatışı üzrə direktoru Loran Mur deyib.
O, qeyd edib ki, maliyyələşdirmə şərtləri risk səviyyəsi ilə tanış olan kreditorlarla razılaşdırılana qədər təchizat müqaviləsi bağlana bilməz.
Son müqavilələrdə “Scorpene” sinifli sualtı qayıqların qiyməti tez-tez vahid başına 700 milyon dolları ötür ki, bu da dəstək və əlaqəli xidmətlər daxil olmaqla üç sualtı qayıq üçün təxminən 2,3 milyard dollar təşkil edir.
Loran Mur vurğulayıb ki, bu mərhələdə əsas maneə maliyyədir, çünki Argentina dərhal tam məbləği ödəyə bilmir və xarici kreditlərə ümid etməlidir. Naval Group özü isə kredit imkanları təklif etmir. Naval Group təcrübədə adətən alıcı ölkə ilə tanış olan və əlaqəli riskləri idarə edə bilən banklarla işləyir.
Bəxtiyar CƏFƏRLİ
