Ermənistanın Baş naziri Nikol Paşinyan hesab edir ki, əvvəlki hökumət haqqında danışmağı dayandırmaq vacibdir.
Yeniavaz.com “Armenpress” istinadən xəbər verir ki, Paşinyan bunu Milli Assambleyada hökumət saatı zamanı parlamentin “Mülki müqavilə” fraksiyasından olan deputatı Narek Babayanın sualını cavablandırarkən bildirib.
“Mən həqiqətən inanıram ki, biz əvvəlki hakimiyyət haqqında danışmağa son qoymalıyıq, çünki danışılası başqa bir şey yoxdur? Hələ nəyi deməmişik? Qarabağ problemi ilə bağlı dərc etdiyimiz paket dəqiq göstərir ki, danışılası heç nə yoxdur”, - o qeyd edib.
Bununla belə, Paşinyanın fikrincə, hakimiyyət təxribatlara boyun əyir:
“Gəlib saatlarla danışırıq: Robert Köçəryan, Serj Sarkisyan... 2021-ci ildə seçki olsaydı, siyasi hakimiyyət dəyişikliyi gündəmi ilə gələcək və müəyyən mənada yenə də siyasi rəqib sayıla biləcək parlament müxalifəti olardı. Məncə, onlar artıq rəqib deyillər, uzun müddətdir ki rəqib deyildilər”.
Onun sözlərinə görə, hökumət bu il daha 500 kilometr yol çəkildiyi halda, minlərlə kilometr yolun çəkildiyi, məktəblərin tikildiyi, təhsildə dərin islahatlar aparıldığı barədə danışmır, diqqət mərkəzində saxlamır.
