"Bu gün ənənə halını almış Azərbaycan Könüllülük həftəsi bu il də öz axarı ilə davam edir. Həftə çərçivəsində biz müxtəlif layihələr həyata keçirəcəyik. Bu həftə "Konstitusiya və Suverenlik ili"nə həsr edilib".
Far.Az xəbər verir ki, bu sözləri jurnalistlərə açıqlamasında Azərbaycan Könüllü Təşkilatları İttifaqının sədri Vüqar Əliyev deyib.
O bildirib ki, bu həftə çərçivəsində məqsəd 60 00 könüllüyə çatdırmaqdır: "Burada forum da baş tutacaq. Dövlət rəsmilərinin iştirakı da olacaq. İl ərzində yaxşı fəaliyyət göstərən könüllülərimiz mükafatlandırlacaq.
Eyni zamanda həftə çərçivəsində biz düşərgələr, festivallar da həyata keçirəcəyik, bizim ümumilikdə həftə ərzində məqsədimiz 17 min könüllü ilə 60 min könüllüyə çatmaqdır".
