ain.az, Bizimyol portalına istinadən məlumat verir.
Beylinson Tibb Mərkəzindən verilən məlumata görə, qripdən vəfat edən 6 yaşlı Ariel Hakkakyanın nazik bağırsağı, 36 yaşlı Daniel Haim Biton adlı kişiyə transplante edilib.
Bizimyol.info xəbər verir ki, transplantasiya şöbəsinin rəhbəri, həkim Eviatar Neşerin sözlərinə görə, bu, İsraildə baş verən bu cür üçüncü bağırsaq transplantasiyası olub və əməliyyat təxminən yeddi saat davam edib.
"Bu, ən mürəkkəb və nadir transplantasiyalardan biridir və bir çox tibbi komandanın dəqiq əməkdaşlığı və yüksək cərrahiyyə ustalığı tələb edir," - deyə həkim qeyd edib.
Xəstəxanadan bildirilib ki, uşağın valideynləri, oğullarının ölümündən sonra onun orqanlarını bağışlamağa qərar veriblər.
Qeyd edilir ki, Daniel Biton 17 il ərzində işləməyən həzm sistemi ilə yaşayıb və qidalanmaq üçün yalnız damardan qidalanıb. Xəstənin öz sözlərinə görə, o, uzun müddət ərzində hər kəs kimi normal qidalanmaq və aşbaz olmaq arzusunda olub.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
