Rusiyada "Apple"ın "FaceTime" tətbiqinə giriş qadağan edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Rusiya Federal İnformasiya Texnologiyaları və Kütləvi Kommunikasiya Nəzarəti Xidməti tərəfindən verilən açıqlamada sentyabr ayından bəri "FaceTime"da yaşanan giriş problemləri ilə bağlı qiymətləndirmələrə yer verilib.
Tətbiq vasitəsilə cinayət törədildiyi iddia edilən açıqlamada belə deyilir: “FaceTime ölkədə terror fəaliyyətlərinin təşkil edilməsi və həyata keçirilməsi, icraçıların cəlb edilməsi və vətəndaşlarımıza qarşı dələduzluq və digər cinayətlərin törədilməsi üçün istifadə olunur.”
Açıqlamada, bu səbəbdən tətbiqə girişin bloklandığı qeyd edilib.
