Çin Mərkəzi Bankının (Çin Xalq Bankı) bazar günü açıqladığı məlumatlara görə, ölkənin qızıl ehtiyatları ardıcıl olaraq 13-cü ayda da artıb.
Çin Xalq Bankı (PBOC) bazar günü qızıl ehtiyatlarına dair məlumatları yayımlayıb.
Məlumata görə, PBOC-nin qızıl ehtiyatları ötən ay 30 min unsiya artaraq ümumilikdə təxminən 74,12 milyon unsiyaya çatıb. Mövcud alış dövrü 2024-cü ilin noyabrında başlamışdır.
Qızılın qiyməti oktyabr ayında gördüyü rekord səviyyədən geri çəkilsə də, yenidən unsiyası 4 min dollar həddinin üzərinə qalxaraq toparlanıb (4200 dollara çatıb) və 1979-cu ildən bəri ən yaxşı ilini keçirməyə doğru irəliləyir.
ABŞ Federal Ehtiyat Sisteminin (FED) 9–10 dekabr iclasında faiz endirəcəyinə dair artan gözləntilər qızılı dəstəkləyir. Eyni zamanda bazar, növbəti Fed sədrinin pul siyasətinə daha “güvercin” yanaşma sərgiləyəcəyini proqnozlaşdırır.
Dünya Qızıl Şurasına görə, ilin ortalarında yavaşıyan qlobal mərkəzi bankların qızıl alışı oktyabr ayında yenidən sürətlənib.
Qlobal qızıl bazarında daha böyük maliyyə təsiri və nüfuz qazanmaq istəyən PBOC, xarici mərkəzi banklara öz qızıl ehtiyatlarını Çində saxlama təklifi də irəli sürür. İndiyədək Kamboca da daxil olmaqla bir neçə ölkə bu təklifi qəbul edib.
