ABŞ-da istehlakçıların qısamüddətli inflyasiya gözləntiləri noyabr ayında dəyişməz olaraq 3,2 faiz səviyyəsində qalıb.


Təxminən 1200 ev təsərrüfatı ilə aparılan sorğunun nəticələrinə görə, növbəti 12 ay üçün qısamüddətli orta inflyasiya gözləntisi ötən ay 3,2% olaraq dəyişməz qalıb.

İstehlakçıların orta və uzunmüddətli inflyasiya gözləntiləri də 3% səviyyəsində qalıb.

Əmək bazarı ilə bağlı gözləntilər bir qədər yaxşılaşsa da, sorğu iştirakçılarının hazırkı və gələcək maliyyə vəziyyətləri ilə bağlı qavrayışları və gözləntiləri daha mənfi hala gəldi.

Noyabr ayında ev təsərrüfatlarının gəlir artımı gözləntiləri 0,1 faiz bəndi artaraq 2,9 faizə, xərclərin artımı gözləntiləri isə 0,2 faiz bəndi artaraq 5 faizə çatdı.

Xərc artımı gözləntiləri ərzaq üçün 5,9 faizə, benzin üçün 4,1 faizə, səhiyyə üçün 10,1 faizə, kollec təhsili üçün 8,4 faizə və kirayə üçün 8,3 faizə yüksəldi.

Səhiyyə xərclərindəki gözlənilən dəyişiklik 2014-cü ilin yanvar ayından bəri ən yüksək səviyyəyə çatdı.

ABŞ İstehlak Qiymətləri İndeksi (İQİ) sentyabr ayında aylıq 0,3 faiz, illik 3 faiz artdı.

ABŞ Əmək Statistikası Bürosu, federal hökumətin bağlanması zamanı məlumat toplaya bilməməsi səbəbindən oktyabr ayı üçün İQİ məlumatlarının açıqlanmayacağını açıqladı.

Əvvəllər açıqlanmışdı ki, əvvəlcə 10 dekabrda açıqlanması planlaşdırılan noyabr ayı üzrə istehlak qiymətləri indeksi məlumatlarının 18 dekabrda açıqlanacağı bildirilmişdi.

aia.az
Tərcümə şöbəsi

• Inflyasiya
• Gözləntilər
• Istehlakçı