ABŞ Avropa Komandanlığının (EUCOM) Tərəfdaşlıq, Təhlükəsizlik və Kütləvi Qırğın Silahlarına Qarşı Mübarizə üzrə direktor müavini, briqada generalı Kris Makkinni Ermənistana gəlib.
AzPost bildirir ki, bu barədə ABŞ-ın Ermənistandakı səfirliyi məlumat yayıb.
Səfərin məqsədi 8 avqustda Ağ Ev Sülh Sammitinin nəticələrini dəstəkləməkdir.
EUCOM kimyəvi, bioloji, radioloji və nüvə müdafiəsi sahəsində əməkdaşlığın genişləndirilməsi, eləcə də Silahlı Qüvvələrin modernləşdirilməsi üçün səylərin davam etdirilməsi daxil olmaqla, davamlı sülhü təşviq edən ortaq məqsədləri irəli aparmaq üçün Ermənistan Daxili İşlər və Müdafiə Nazirlikləri ilə sıx əməkdaşlıq edir.
