Mərakeşin Fes şəhərində yanaşı yerləşən iki yaşayış binasının çökməsi nəticəsində 19 nəfər ölüb, 16 nəfər yaralanıb.
AZƏRTAC xəbər verir ki, hadisə gecə baş verib və sözügedən binalarda 8 ailə yaşayırdı.
Qeyd olunub ki, yaralılar yaxınlıqdakı xəstəxanaya çatdırılıb. Aidiyyəti qurumlar axtarış-xilasetmə işlərinə başlayıb, bütün lazımi tədbirlər görülür. Yaxınlıqdakı evlərin sakinləri təxliyə olunub. Dağıntılar altında qalanların olduğu ehtimal edilir.
