Hurriyyet.az xəbər verir ki, Ukrayna qüvvələri Rusiyanın Xəzər dənizindəki neft platformasına hücum ediblər. "RBK-Ukraina" nəşri mənbələrə istinadla bu barədə məlumat verib.
Ukrayna Təhlükəsizlik Xidmətinin dronları Xəzər dənizindəki Rusiya neft hasilatı platformasında işi dayandırıb və bu, Ukraynanın həmin regionda neft hasil edən Rusiya obyektinə ilk zərbəsi olub.
Məlumata görə, Ukrayna Xüsusi Təhlükəsizlik Xidmətinin "Alfa Xüsusi Əməliyyatlar Mərkəzi"nin uzaqmənzilli dronları Lukoil-Nijnevoljskneft şirkətinə məxsus Filanovski platformasına zərbələr endirib. Dəniz platformasında ən azı dörd hədəfə zərbə dəyməsi qeydə alınıb. Hücum nəticəsində 20-dən çox quyuda neft və qaz hasilatı dayandırılıb.
Filanovski yatağı Xəzər dənizinin Rusiya sektorundakı ən böyük yataqlardan biridir. Onun ehtiyatları 129 milyon ton neft və 30 milyard kubmetr qaz olaraq qiymətləndirilir. Çıxarılan məhsullar Xəzər Boru Kəməri Konsorsiumu vasitəsilə ixrac edilir.
Hürr Tərcüman
