Bu gün Türkiyədən gələn 24-cü xeyriyyə qatarı Əfqanıstana çatıb. Qatar zəlzələdən zərər çəkmiş sakinlər üçün nəzərdə tutulmuş 1300 ton humanitar yardım aparıb. Humanitar əməliyyata Türkiyə hökumətinin Fəlakətlərin İdarə Edilməsi Agentliyi (AFAD) qeyri-hökumət təşkilatları ilə əməkdaşlıq çərçivəsində nəzarət edir.
Ankaradan yola düşdükdən təxminən iki həftə sonra (27 noyabr) humanitar qatar ölkənin qərb hissəsində yerləşən Herata çatıb. Yükün gəlişi Türkiyənin baş konsulu Tezcan Kadıoğlu və vilayət qubernatoru Mövlana İslam Car da daxil olmaqla, yüksək vəzifəli şəxslərin qatıldığı rəsmi mərasimlə qeyd olunub.
Bütün yük Əfqanıstanda baş verən güclü zəlzələ qurbanlarına kömək etmək üçün nəzərdə tutulub. Buraya 28.000 ərzaq bağlaması, 560 ton ərzaq, 550 ton un və 14.000 isti yorğan daxildir.
//Samir Qurbanov, Editor.az
