Metbuat saytından verilən məlumata görə, ain.az xəbər verir.
Ukrayna Prezidenti Volodimir Zelenski münaqişənin nizamlanması istiqamətində diplomatik təmasların intensivləşəcəyini açıqlayıb.
Metbuat.az xəbər verir ki, dövlət başçısı teleqram kanalında paylaşım edərək bildirib ki, qarşıdakı həftə ABŞ və Avropadakı tərəfdaşlarla bir sıra vacib görüşlər planlaşdırılır. Onun sözlərinə görə, bu təmaslarda müharibənin dayandırılması və davamlı sülhə nail olunması üçün siyasi razılaşmalar əsas müzakirə mövzusu olacaq.
Zelenski vurğulayıb ki, hazırkı mərhələ sülh üçün əlverişli imkan yaradır və Ukraynanın təhlükəsizliyinə real təminatlar verilməlidir. O qeyd edib ki, əsas məqsəd Rusiyanın gələcəkdə yenidən hərbi müdaxiləsinə yol verilməməsidir. Prezident Berlində aparılacaq danışıqlarda sülh prosesini irəli aparmağa qadir olan tərəfdaşlarla fəal əməkdaşlıq ediləcəyini də diqqətə çatdırıb.
Bununla yanaşı, Zelenski ABŞ və Avropa İttifaqı nümayəndələri ilə müharibədən sonrakı dövrdə Ukraynanın bərpası məsələlərinin də müzakirə ediləcəyini bildirib.
Hadisənin gedişatını izləmək üçün ain.az saytında ən son yeniliklərə baxın.
