Idman.biz saytından alınan məlumatlara görə, ain.az xəbər verir.
UEFA Çempionlar Liqasının hazırkı çempionu “Pari Sen-Jermen” 2025-ci il FIFA-nın Qitələrarası Kubokunun finalında Braziliya təmsilçisi “Flamenqo” ilə qarşılaşacaq.
İdman.Biz xəbər verir ki, yarımfinalda braziliyalılar Afrika Çempionlar Liqasının qalibi olan Misirin “Piramidz” komandasını 2:0 hesabı ilə məğlub ediblər.
24-cü dəqiqədə müdafiəçi Leo Pereyra “Flamenqo”nu hesabda irəli çıxarıb. 52-ci dəqiqədə “Yuventus”un keçmiş müdafiəçisi Danilo komandasının üstünlüyünü ikiqat artırıb.
Daha əvvəl, dörddəbir finalda “Flamenqo” Meksika klubu “Krus Asul”u (2:1) məğlub etmişdi.
Turnirin qalibi 17 dekabrda keçiriləcək final matçında müəyyənləşəcək.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
