"Arsenal" klubu qapıçı mövqeyini gücləndirmək üçün Bundesliqada çıxış edən futbolçunu hədəfə alıb.
QOL.az xəbər verir ki, bu barədə "Sport.de" nəşri məlumat yayıb. Bildirilir ki, "topçular" Dortmund "Borussiya"sının heyətində yer alan və hazırda icarə əsasında "Haydenhaym"ın formasını geyinən Diant Ramayla maraqlanır.
Qeyd edək ki, 24 yaşlı almaniyalı qapıçı bu mövsüm Bundesliqada 14 oyunda meydana çıxıb və 30 qol buraxıb. Statistik göstəricilərə baxmayaraq Ramayın çıxışı London klubunun skautlarının diqqətini cəlb edib.
