Meksikanın paytaxtı Meksiko şəhərindən təxminən 50 kilometr qərbdə kiçik bir təyyarənin qəza nəticəsində düşməsi səbəbindən ən azı 7 nəfər həyatını itirib.
Manset.az xarici mediaya istinadən xəbər verir ki, Meksiko şəhərinin Fövqəladə Hallar Koordinatoru Adrian Hernandez bildirib ki, Toluca Hava Limanından 5 kilometr məsafədə təcili eniş etməyə çalışan kiçik təyyarə qəzaya uğrayıb.
Hernandez qeyd edib ki, təyyarədə 8 sərnişin və 2 heyət üzvü olub. Hazırda təyyarənin 7 sərnişininin meyiti tapılıb.
Digər tərəfdən, qəzanın səbəbi ilə bağlı araşdırmaların davam etdiyi bildirilir.
