Rusiya Xarici İşlər Nazirliyinin sözçüsü Mariya Zaxarova Qərb qoşunlarının Ukraynaya yerləşdirilməsi ehtimalının qəbuledilməz olduğunu bildirib və əlavə edib ki, "bu sözdə sülhməramlı qüvvələr Rusiya Silahlı Qüvvələri üçün qanuni hədəflərə çevriləcək".Qərb qoşunlarının Ukraynada yerləşdirilməsi ehtimalını qiymətləndirən Zaxarova bildirib ki, "Qərb qoşunlarının Ukrayna ərazisinə hər hansı bir bəhanə və ya formada yerləşdirilməsi bizim üçün qəbuledilməzdir. Bu sözdə sülhməramlı qüvvələr Rusiya Silahlı Qüvvələri üçün qanuni hədəflərə çevriləcək".

Ukrayna Prezidenti Vladimir Zelenskinin 12 dekabrda Xarkov vilayətindəki Kupyansk şəhərinə səfərinin şəkillərini paylaşdığını xatırladan Zaxarova, bu şəhərin noyabr ayında Rusiya ordusu tərəfindən ələ keçirildiyini qeyd edərək əlavə edib: "Azad edilmiş Kupyansk hələ də Rusiya qüvvələrinin nəzarəti altındadır".

Mariya Zaxarova ABŞ ilə münasibətlərlə bağlı aşağıdakı qiymətləndirmələri etdi:

"Rusiya ilə ABŞ arasında münasibətlərin yaxşılaşdırılması prosesi sadə deyil. Milli maraqların qorunmasına, ənənələrə hörmətlə yanaşmağa və praqmatik dialoqa hazır olmağa əsaslanan qəti mövqeyimiz yeganə düzgün yanaşmadır. Gördüyümüz qədəri ilə bu yanaşma mövcud Amerika administrasiyası tərəfindən qarşılanıb. ABŞ prezidenti Donald Trampın komandası qeyd-şərtsiz dialoqa başlamağı təklif etdi və Rusiya tərəfi bunu dəstəklədi. Proses davam edir."

10 dekabrda ABŞ və Yaponiyanın Rusiya sərhədləri yaxınlığında keçirdiyi birgə hərbi təlimə toxunan Zaxarova bildirib ki, Rusiya rəsmiləri bu məsələni Yaponiyanın Moskvadakı səfiri Akira Muto ilə müzakirə ediblər.

Mətbuat katibi Zaxarova bildirib ki, "Təlimlə bağlı narahatlıqlarımızı səfirə çatdırdıq. Biz bunu təhlükəsizliyimiz üçün potensial təhlükə hesab edirik. Əlbəttə ki, Rusiyanın müdafiə qabiliyyətini gücləndirmək və suverenliyini qorumaq üçün lazımi tədbirlər görəcəyi barədə xəbərdarlıq etdik."

aia.az
Tərcümə şöbəsi

• Rusiya
• Ukrayna
• Qərb
• Qoşunlar
• Qanuni Hədəf