Amerikalı bloqer və boksçu Ceyk Pol Entoni Coşua ilə qarşılaşma üçün marağı yenidən artırır.
Publika.az xəbər verir ki, bu dəfə bunu sosial şəbəkələrdə zarafat vasitəsilə edir.
Pol britaniyalı ağır çəkili boksçunun fotosunu fotomontajla redaktə edərək paylaşıb. Şəkildə Coşua nisbətən incə ayaqları ilə təsvir olunub ki, bu da onun iri bədən və əzələləri ilə kəskin kontrast təşkil edir.
Bloqer paylaşımına qısa, amma provokativ şərh əlavə edib: “Və bu top-ağır çəkidir”, – deyə Pol qeyd edib. O, bununla açıq şəkildə Coşuanın super ağır çəki statusuna işarə edir.
