Bizimyol saytından verilən məlumata görə, ain.az xəbər verir.
Fələstin tərəfi ABŞ prezidenti Donald Trampın Fələstin dövlətinin formalaşdırılması imkanını ehtiyatlı şəkildə dilə gətirdiyindən xəbərdardır.
Bizimyol.info xəbər verir ki, bu barədə Fələstinin Rusiya Federasiyasındakı səfiri Abdel Hafiz Nofəl Rusiya mətbuatına müsahibəsində bildirib.
“Bizə məlumdur ki, prezident Tramp BMT Təhlükəsizlik Şurasının qətnamə layihəsində Fələstin dövlətini ehtiyatlı formada xatırladıb”, – deyə səfir vurğulayıb.
Diplomat qeyd edib ki, yeganə mümkün və “real şəkildə həyata keçirilə bilən” həll iki dövlət prinsipi əsasında olan yanaşmadır, həmçinin bu, zorakılıq və gərginliyə son qoymağın yeganə yoludur. “İsraildə bunu çox yaxşı anlayırlar”, – deyə o əlavə edib.
Səfir həmçinin ərəb ölkələrinin mövqelərinə, xüsusilə Səudiyyə Ərəbistanının, eləcə də İordaniya, Birləşmiş Ərəb Əmirlikləri və bütün ərəb və islam dövlətlərinin mövqelərinə diqqət çəkib. Onun sözlərinə görə, BMT Təhlükəsizlik Şurasında Rusiyanın və Çinin xüsusi mövqeyi, eləcə də Avropa ölkələri, Kanada və Avstraliya daxil olmaqla Fələstin Dövlətini tanıyan ölkələrin sayının artması bütünlüklə “iki dövlətli həllin bu münaqişəyə və zorakılıq dövrlərinə son qoymaq üçün yeganə mövcud və mümkün yol kimi irəliləməsinə töhfə verir”.
“Biz 1967-ci il iyunun 4-ü sərhədləri çərçivəsində — Qərb Sahili, Qəzza zolağı və Şərqi Qüds daxil olmaqla — Fələstin Dövlətinin idarə olunmasını üzərimizə götürməyə hazırıq. Bu, münaqişəyə son qoymaq üçün ciddi cəhddir. Rusiya Federasiyasının dəyişməz və ardıcıl mövqeyi də məhz bundan ibarətdir”, – deyə səfir fikrini yekunlaşdırıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
