Bakı, 23 dekabr, AZƏRTAC
Dünya üzrə təxminən 3 milyard insan və ya 17 yaşdan aşağı uşaqlar internetə evdən çıxış imkanına malikdir. Azərbaycanda isə vəziyyət bir qədər fərqlidir. Son 2 ildə Prezident İlham Əliyevin təşəbbüsü ilə həyata keçirilmiş layihələr nəticəsində bu gün Azərbaycanın bütün kənd və şəhərləri internetlə təmin olunub.
AZƏRTAC xəbər verir ki, bu sözləri rəqəmsal inkişaf və nəqliyyat naziri Rəşad Nəbiyev “Rəqəmsal mühitdə uşaqların müdafiəsi: Müasir alətlər və beynəlxalq əməkdaşlıq” mövzusunda keçirilən beynəlxalq konfransda söyləyib.
O bildirib ki, son 4 ildə Azərbaycanda internetə çıxış imkanları təxminən 5 dəfə, internetin sürəti isə təxminən 7 dəfə artıb.
