Azpolitika.az saytına istinadən ain.az xəbər verir.
Ukrayna yalnız Qərb müttəfiqlərindən etibarlı təhlükəsizlik zəmanətləri aldığı təqdirdə sülh müqaviləsi çərçivəsində güzəştlərə razı ola bilər.
“AzPolitika” xarici KİV-ə istinadla xəbər verir ki, bunu Almaniyanın Xarici işlər naziri Yohann Vadeful deyib.
Nazirin sözlərinə görə, Ukrayna üçün ilk növbədə ABŞ-dən etibarlı təhlükəsizlik zəmanətlərinin alınması vacibdir.
O deyib: "Bu, Ukraynaya yenidən Rusiya tərəfindən hücum ediləcəyi təqdirdə onu dəstəkləmək vədləri verənlərin öhdəliyi və həqiqi istəyi deməkdir".
Alman nazirinin sözlərinə görə, Ukrayna yalnız ABŞ və Avropadan etibarlı təhlükəsizlik zəmanətləri ilə müşayiət olunduğu təqdirdə, xüsusən də ərazi güzəştlərinə gedə bilər. O qeyd edib ki, Ukraynada atəşkəs əldə edildikdən və Rusiyanın həqiqətən də sülhü ciddi şəkildə nəzərdən keçirməyə hazır olduğu aydın olduqdan sonra bu zəmanətlər daha ətraflı müzakirə olunacaq.
Onun sözlərinə görə, Rusiya danışıqlara hazır olsa da, onun həqiqi sülhə hazır olduğu görünmür: "Biz hələ bunu görməmişik".
Xatırladaq ki, Prezident Volodimir Zelenski Ukraynanın ABŞ ilə təhlükəsizlik zəmanətləri üzərində işlədiyini elan edib.
“AzPolitika.info”
Daha ətraflı məlumat və yeniliklər üçün ain.az saytını izləyin.
