EN
Topics
Sport
25.12.2025 ◦ 00:38

“Fənərbaxça” heyətini ilk onunla gücləndirəcək

Ajans.az xəbər verir ki, İstanbul təmsilçisi mövsümün əvvəlindən "Samsunspor"un heyətində göstərdiyi performansla diqqət çəkən Entoni Musabanı transfer etməyə hazırlaşır. Türkiyə mətbuatının məlumatına görə, "sarı-lacivərdlilər" niderlandlı cinah hücumçusu ilə prinsipial razılıq əldə edib. Tərəflər arasında 4.5 illik müqavilənin imzalanacağı gözlənilir. Bildirilir ki, "Fənərbaxça" 25 yaşlı futbolçu ilə illik 1.3 milyon avro maaş qarşılığında anlaşıb. Bununla yanaşı, klub hücumçunun müqaviləsində yer alan sərbəstqalma məbləğini ödəyərək transferi qısa müddətdə rəsmiləşdirməyi planlaşdırır.

Qeyd edək ki, mövsümün əvvəlində "Samsunspor"a transfer olunan Entoni Musaba cari mövsümdə Super Liqa və Konfrans Liqasında ümumilikdə 21 oyuna çıxıb. O, bu qarşılaşmalarda 6 qol vurub və 4 məhsuldar ötürmə ilə yadda qalıb.

Chosen
42
2
Ajans.az

5Sources