BAKI, 25 dekabr. TELEQRAF
Cari ilin noyabr ayında Azərbaycanda banklar tərəfindən 149 milyon 625.4 min ABŞ dolları alınıb.
Teleqraf xəbər verir ki, ötən ilin eyni dövrü ilə müqayisədə bankların dollar alışı 38.7% artıb.
Bankların ötən ay avro alışı 8.1% artaraq 8 milyon 442.1 min avro təşkil edib. İngilis funt sterlinqi alışı 17.2% artaraq 339.6 min funt, Rusiya rublu alışı isə 4.4 dəfə artaraq 764 milyon 683.3 min rubl olub.
Banklar noyabrda 94 milyon 306.1 min dollar, 9 milyon 201.6 min avro, 797.3 min funt sterlinq və 167 milyon 401.7 min rubl satıb. Dollar satışı 62%, avro 59.2%, funt sterlinq 43.9%, rubl satışı isə 33% azalıb.
Hesabat dövründə bankların mübadilə mərkəzlərində dollar üzrə orta məzənnə 1.6977 manat təşkil edib. Avro üzrə orta məzənnə 1.9592 manat, funt sterlinq üzrə 2.2383 manat, rubl üzrə isə 0.0207 manat olub.
