McDonald’s Azərbaycan-ın mobil tətbiqində elan edilən cəlbedici endirim kampaniyaları istifadəçilər üçün əlçatmaz olub.
Mobil tətbiqə daxil olan istifadəçilər ana səhifədə “Yağış – sevinməyə daha bir səbəb!!” şüarı ilə qarşılaşır və böyük endirim gözləntisi ilə təklifin üzərinə klikləyirlər.
Lakin bu nöqtədə vəd edilən endirim kuponu yerinə, sistem “Məzmun əlçatan deyil” bildirişini təqdim edir.
Vəd Var, Endirim Yoxdur
İstifadəçilərin göndərdiyi görüntülərdən aydın olur ki:
Tətbiqin ana səhifəsində -30% endirim reklamı aktiv şəkildə nümayiş olunur.
Həmin bölməyə daxil olduqda isə tətbiq “Axtardığınız məzmun mövcud deyil” deyərək müştərini geri çevirir.
İstifadəçilər topladıqları xalları və ya onlara özəl “Təkliflər”i görmək istədikdə eyni aqibətlə üzləşirlər.
Kampaniyanın geniş şəkildə reklam olunmasına baxmayaraq, daxilində heç bir məzmunun olmaması istifadəçilər arasında narazılığa səbəb olub. Müştərilər tətbiqin onları faktiki olaraq mövcud olmayan bir təklifə yönləndirdiyini, bunun isə həm vaxt itkisi, həm də yanlış məlumatlandırma olduğunu bildirirlər.
Görünən odur ki, McDonald’s tətbiqi reklamı yeniləsə də, onun daxilindəki endirim mexanizmini və ya məzmunu yerləşdirməyi “unudub”.
