Yəməndə separatçı Cənub Keçid Şurasının qüvvələri ilk dəfə hava hücumuna məruz qalıb
Yəməndə BƏƏ-nin dəstəklədiyi separatçı Cənub Keçid Şurasına (STC) məxsus Hadhramaut əyalətindəki mövqelərə naməlum hava hücumu edilib.Hadramaut Qəbilə Alyansına yaxın bir mənbə Anadolu Agentliyinin müxbirinə Hadramaut Vadisinin Vadi Nəhab bölgəsindəki Cənubi Keçid Şurası (STC) qüvvələrinə məxsus mövqelərə hava hücumlarının edildiyini bildirib.Təhlükəsizlik səbəbi ilə anonimlik istəyən bir mənbə hücumun mənbəyi və ya nəticədə baş verən itkilər barədə heç bir məlumat olmadığını, lakin bombardman nəticəsində yanğınların baş verdiyini bildirib.
Sosial mediada paylaşılan görüntülərdə Cənubi Keçid Şurasının (STC) Hadramautdakı mövqeləri hədəf alındıqdan sonra ərazidən tüstü qalxdığı görünür.
Yerli Yəmən mediası, o cümlədən müstəqil "Aden TV" kanalı da Hadramautun Vadi Nəhab bölgəsindəki STC ilə əlaqəli Hadramau Elit Qüvvələrinə məxsus mövqelərin hava hücumlarına məruz qaldığını bildirib.
Bu hücum Hadramautdakı STC qüvvələrinin hava hücumlarına məruz qaldığı ilk haldır və indiyə qədər heç bir tərəf məsuliyyəti öz üzərinə götürməyib.
BƏƏ tərəfindən dəstəklənən separatçı STC-nin 4 dekabrda Yəmənin şərqindəki neftlə zəngin Hadramaut əyalətindəki əsas əraziləri, həyati əhəmiyyətli şəhərləri və neft yataqlarını ələ keçirdiyi bildirilib.
Cənub Keçid Şurasının (CKŞ) rəhbəri Ayderus əz-Zubeydi 9 dekabrda müvəqqəti paytaxt Ədəndə keçirilən iclasda Cənub Silahlı Qüvvələrinin Mahra əyalətinə nəzarəti ələ keçirdiyini bildirib.
Bu arada, Yəmən Prezident Şurasının rəhbəri Rəşad əl-Əlimi CKŞ-ni Hadramaut və Mahra əyalətlərindən geri çəkilməyə çağırıb.
Yəmən neft şirkəti PetroMasila 1 dekabrda Hadramaut Qəbilə Alyansının Mukalla şəhərinin şərqindəki obyektlərini ələ keçirməsi səbəbindən istehsalın tamamilə dayandırıldığını açıqlayıb.
Gündəlik istehsal gücü 10.000 barel olan PetroMasila həmçinin 75 meqavattlıq təbii qaz elektrik stansiyasını idarə edir.
2013-cü ildə qurulan və əyalət üçün muxtariyyət tələb edən Hadramaut Qəbilə Alyansı nə CKŞ, nə də Yəmən hökuməti ilə əlaqəsi olmayan yerli qüvvələrdən ibarətdir.
aia.az
Tərcümə şöbəsi
