26 dekabr tarixində ABŞ-da qar yağışı səbəbilə 1600-dən çox uçuş ləğv edilib.
APA xəbər verir ki, bu barədə “Bloomberg” ixtisaslaşmış “FlightAware” portalına istinadən məlumat verib.
Məlumatına görə, Nyu-York şəhərində yerləşən Con Kennedi Beynəlxalq Hava Limanı, LaQuardia Hava Limanı və Nyuark Hava Limanı fasilələrdən ciddi şəkildə təsirlənib. Bu ərazilərdə 23 sm-ə qədər qar yağacağı gözlənilirdi.
Həmçinin 19 mindən çox uçuşun təxirə salındığı bildirilir. Boston, Detroyt və Filadelfiya hava limanlarında da gecikmələr və ləğvlər müşahidə olunub.
