Vəngliyə qayıdan sakin Ərəstun Qarayev kəndə dönüşün sakinlərin ömrünü daha da uzadacağını deyib.
Bakvıaxtı.az xəbər verir ki, o, Report-un Ağdərəyə ezam olunan əməkdaşına açıqlamasında doğma kəndi üçün çox darıxdığını vurğulayıb:
"İnanın, kəndimizin hər qarışı üçün çox darıxmışam. Düzdür, azad edildikdən sonra bir neçə dəfə kəndə getmişəm. Ancaq hər səfərdən sonra bir neçə gün özümə gələ bilməmişəm. Çox şükür, bu gündən artıq daimi olaraq doğma ocağımıza yerləşirik. İnanıram ki, gözəl kəndimizə qayıdış sakinlərin ömrünü daha da uzadacaq".
