Şimali Koreya bazar günü Qərb dənizi üzərində uzunmənzilli strateji kruiz raket buraxılışı təlimi keçirib...
Poliqon xəbər verir ki, Bloomberg agentliyinin məlumatına görə, Koreya Mərkəzi Xəbər Agentliyi (KCNA) bu sınağı artan regional gərginlik fonunda ölkənin silah imkanlarının daha bir nümayişi adlandırıb.
Agentliyin məlumatına görə, təlimə şəxsən Şimali Koreya lideri Kim Çen In nəzarət edib. Buraxılışların məqsədi əks-hücuma hazırlığı, uzunmənzilli raket bölmələrinin döyüş qabiliyyətlərini, operatorların hazırlıq səviyyəsini və strateji silah sisteminin etibarlılığını yoxlamaq olub.
Sınaqlar zamanı kruiz raketləri KXDR-in qərb sahilindəki sular üzərində müəyyən edilmiş trayektoriyalar üzrə 10199 və 10203 saniyə - hər biri təxminən 2 saat 50 dəqiqə - hərəkət etdi və bundan sonra təyin olunmuş hədəfləri vurub.
Kim Çen In təlimlərin nəticələrinin "praktik sınaq" və Şimali Koreyanın strateji əks-hücum qabiliyyətlərinin etibarlılığının və döyüş gücünün "aydın nümayişi" olduğunu bildirib. O, sınaqların nəticələrindən "böyük məmnuniyyət" ifadə edib.
Şimali Koreya liderinin sözlərinə görə, nüvə çəkindirici komponentlərinin sürətli reaksiya üçün hazırlığını müntəzəm olaraq yoxlamaq və onların gücünü daim nümayiş etdirmək "məsuliyyətli özünümüdafiə tədbiri" və mövcud təhlükəsizlik vəziyyətində müharibənin qarşısını almağın bir yoludur.
Kim həmçinin vurğuladı ki, KXDR-in hakim partiyası və hökuməti ölkənin nüvə döyüş qüvvələrini gücləndirmək və genişləndirmək üçün bütün səylərini göstərməyə davam edəcək.
Poliqon.info
