İsrail, Yunanıstan və Kipr Rum Administrasiyası (GCA) arasında hərbi əməkdaşlığı əhatə edən üçtərəfli iş planı imzalandığı açıqlanıb.
İsrail ordusunun Beynəlxalq Əməkdaşlıq Bölməsinin rəisi Amit Adlerin rəhbərlik etdiyi İsrail nümayəndə heyəti üç ölkənin hərbi rəsmiləri arasında illik birgə görüş çərçivəsində Nikosiyada Yunan və Kipr rəsmiləri ilə görüşüb.
Hərbi sahədə əməkdaşlıq
Görüşdə üçtərəfli iş planı imzalanıb. Bildirilib ki, imzalanmış iş planlarına birgə hərbi təlimlər, təlim fəaliyyətləri, müxtəlif sahələrdə işçi qruplarının yaradılması və ortaq maraq doğuran sahələr üzrə strateji hərbi dialoqlar daxildir.
