Ermənistan və Türkiyə arasında münasibətlərin normallaşdırılması prosesi çərçivəsində diplomatik və xidməti pasport sahibləri üçün viza rejiminin sadələşdirilməsinə dair razılaşma əldə olunub.
Senzor.az yerli KİV-ə istinadən bildirir ki, Ermənistan Xarici İşlər Nazirliyinin yaydığı məlumatda belə deyilir.
Məlumata görə, 2026-cı il yanvarın 1-dən etibarən hər iki ölkənin diplomatik, xüsusi və xidməti pasport sahibləri elektron vizanı (e-viza) tamamilə ödənişsiz əldə edə biləcəklər.
Nazirliyin məlumatında həmçinin qeyd olunub ki, Ermənistan və Türkiyə heç bir ilkin şərt olmadan münasibətlərin tam tənzimlənməsinə nail olmaq öhdəliyini bir daha təsdiqləyirlər və bu addım iki ölkə arasında etimadın qurulması prosesinin növbəti mərhələsi kimi qiymətləndirilir.
