"Novqorod bölgəsində prezidentin iqamətgahına edilən hücum cəhdi danışıqlar prosesinin pozulmasına yönəlmiş terror aktıdır," - deyə o qeyd edib.
Onun sözlərinə görə, bu cəhd eyni zamanda ABŞ Prezidenti Donald Trampın Ukrayna münaqişəsinin sülh yolu ilə həlli istiqamətindəki səylərinə də zərbə vurmağı hədəfləyir:
"Bu, Trampın səylərinin sabotajına yönəlib. Məqsəd bu mürəkkəb münaqişənin sülh yolu ilə tənzimlənməsi istiqamətində aparılan təşəbbüsləri zəiflətməkdir," - Peskov vurğulayıb.
Rusiya rəsmisi həmçinin bildirib ki, Moskva Zelenski və bəzi Qərb media qurumlarının hadisəni inkar etməyə çalışdığını müşahidə edir:
"Görürük ki, Zelenski şəxsən bunu inkar etməyə çalışır və bir çox Qərb media orqanı, Kiyevin dəstəyi ilə, sanki bu hadisə baş verməyibmiş kimi informasiya yaymağa başlayır," - deyə Peskov əlavə edib.
Təklifinizi, şikayətinizi bizə yazın. Sizi dinlərik. 055 634 88 31
