Küləkli və soyuq havalar yaxınlaşdıqca insanlar adətən immunitet sistemini güclü saxlamaq üçün C vitamini qəbul edir. Lakin C vitamininin yüksək dozada qəbul edilməsi əlavə təsirlərə səbəb ola bilər.
“Yeni Sabah” xəbər verir ki, C vitamini qrip və digər soyuqdəymə xəstəliklərinə qarşı immun sistemi gücləndirə, həmçinin ürək-damar və dəri sağlamlığını dəstəkləyə bilər.
Mütəxəssislər qeyd edir ki, C vitamini dəridə kolagen istehsalını artırır, elastikliyini qoruyur, damarların elastikliyini gücləndirir, qan təzyiqinə müsbət təsir edir və dəmirin orqanizmdə daha yaxşı mənimsənməsinə kömək edir.
Lakin orqanizm C vitaminini özü istehsal etmədiyi üçün onu mütləq yemək yolu ilə qəbul etməliyik.
C vitamini ilə zəngin təbii qidalar bunlardır:
Orta ölçülü portağal: 70 - 80 mg - gündəlik ehtiyacı qarşılaya bilər
Orta ölçülü mandalin: 20 - 30 mg - 2-3 ədəd gündəlik ehtiyacı ödəyə bilər
100 g cəfəri: 190 mg - günlük ehtiyacdan çoxdur
Orta kivi: 60 - 80 mg
Qırmızı bibər: 100 -150 mg - təkcə bu da ehtiyacı ödəyə bilər
Bir porsiya brokoli: 40 - 80 mg
Yarım limon suyu: 15 mg
Bir stəkan pomidor şirəsi: 20 - 50 mg.
Mütəxəssislər ümumiyyətlə gündəlik C vitamini tələbatını belə qiymətləndirir:
Kişilər üçün təxminən 90 mg
Qadınlar üçün təxminən 75 mg
Siqaret çəkən insanlar isə əlavə təxminən 35 mg daha çox qəbul etməlidir.
Aydan Hacı
Telegram kanalımız
