İsveçrənin Kran-Montana kurortunda yerləşən bir barda baş verən partlayış və sonrakı yanğın nəticəsində təxminən 40 nəfər həlak olub. Bu barədə yerli "Le Nouvelliste" nəşri məlumat yayıb.
Nəşrin məlumatına görə, təxminən 100 nəfər yaralanıb. Bir çoxu ağır yanıq xəsarətləri alıb. Yaralılar tibbi vertolyotlar vasitəsilə xəstəxanalara yerləşdirilir.
Hadisə yerli vaxtla təxminən 01:30-da, yeni il qeyd etmələri zamanı Kran-Montana kurortundakı "Le Constellation" barında baş verib. Versiyalardan birinə görə, yanğına konsert zamanı istifadə olunan pirotexnika səbəb ola bilər.
"The Telegraph"ın sitat gətirdiyi şahidlərdən birinin sözlərinə görə, yanğın başlamazdan əvvəl barmen çiyinlərində bir ofisiant qadını aparırmış. Qadın əlində yanan şam ağacını (bengal işığı) şüşə içində tavana qaldırıb yandırıbmış. Yanğın başladıqdan sonra, alov sürətlə yayıldığı üçün, insan kütləsi dar pilləkənlə qaçaraq pəncərələri sındırıb xilas olmağa çalışıb.
Şahidlərin dediklərinə görə, barda təxminən 200 nəfər olub, əksəriyyəti 15-20 yaş aralığında gənclər olub. Qurbanların şəxsiyyətləri, bədənlərindəki ağır yanıqlar səbəbindən hələlik müəyyən edilməyib.
Almaz Həsənli
