"Arsenal"ın futbolçusu üzr istədi

"Arsenal"ın futbolçsu Qabriel Martinelli ötən gecə "Liverpul"la oyunda Konor Bredli ilə arasındakı mübahisədən danışıb.

QOL.az xəbər verir ki, görüşün sonlarında Martinelli davaya səbəb olub. O, "Liverpul"un müdafiəçisi Konor Bredlini meydandan itələyib. Bu, digər oyunçular arasında mübahisəyə səbəb olub. Bredli isə meydanı xərəkdə tərk edib.

Martinelli isə açıqlamasında artıq Bredlidən üzr istədiyini deyib. 24 yaşlı hücumçu İnstaqram paylaşımında emosiyalara qapıldığını və vəziyyətin ciddiliyini anlamadığını bildirib: 

"Biz Konorla yazışdıq və mən artıq ondan üzr istəmişəm. Mübahisənin qızğın vaxtında onun ciddi zədə aldığını həqiqətən də anlamadım. Reaksiyama görə çox təəssüflənirəm. Bir daha Konora uğurlar və tezliklə sağalmasını arzulayıram".

• Liverpul
• Futbolçu
• Arsenal
• MübahisÉ™
• Martinelli
• Bredli